(сонет)
Дагъвидин цлакай рахана гапур:
"Гьикьван хьуй секиндиз къакъара аваз?
Хуьз жезмач завайни зи кьарай-сабур,
Дуьньядин гъулгъула япара аваз.
Ахкъуд тавуна саваш-дувандиз
Гамунал алк1урна зун цлал хьана,
Кутугай ч1ал талгьуз какаш замандиз
Са пип1ел чуьнгуьрни ала лал хьана.
Такабур уьзденрин дуст-сидаш хьайи
Ч1агураг яз цлал дарих хьанва зун.
Гьи девир хьайт1ани чеб угъраш хьайи
Нибгетрин ивидихъ къаних хьанва зун.
Атанва ч1ав зун къакъарай акъуддай
Герек я заз майдан гьахъвал субутдай."
Дагъвидин гапур
© Copyright: Сейфудин Шахпазов, 2016
Свидетельство о публикации №116020801715
Свидетельство о публикации №116020801715
Рецензии