Ч А С П А Р Д И...
Ни лугьузва туш гьакъикъат,-
Кьве часпарди халкь пай авун?
Ам чал гъанвай я мусибат,
Часпарди къарсатнава чун!
Ихьтин гьукум, ихьтин къарар,
Хасарат я, я чаз хата!
Эцигнава гьулданд варар...
Эляч1акван, алакьдат1а?!
Эляч1дамаз "къиргъин" ава,
Гъуьргъуь жезва, жезва татаб.
Налугьуди суьргуьндава,
Сятаралди ч1угваз азаб.
Низ акур тир, буьркьуь хьурай...
Ихьтин гьалдиз ни гуда таб?
Халикьди лянет авурай,
Им зиллет я, - ква махлуъат.
Кьве патани са халкьдин диб:
Са ч1ал, са суй,.. сад я адат.
Хкатзава дигед тартиб.
Вун гьинава, гьахъ-адалат?
Ц1игел я зун, хьанва зарул,
Тухдалд такваз жуванд, мукьвад...
Кьве вилин къен хьанва рагъул ,
Ац1ана, кьунва туькьуьл накъвад.
Ч1алахъ я зун, чаз югъ ава,
Кьилиз акъатда чи умуд.
Са нефесдин къачуз гьава,
Пайнавай халкь хъийида агуд...
***
© Copyright: Фикрет Хидиров, 2016
Свидетельство о публикации №116020811609
Свидетельство о публикации №116020811609
Рецензии