Игит аскер
Душманди хабарсуз ч1урнай ислягь югъ,
Эмирнай ц1ун хардиз: югъди-йифди къугъ.
Элкъуьрна яракьдиз к1утани мукал,
Женгиниз фенай халкь,сад авуна ч1ал.
Душмандал гъалибвал къачунвай аскер,
Ви игит гьунардал гьейран я эллер.
Дяведин ц1аяра лигимарна тур,
Дуьньядал хкажна ислягьвилин нур.
Душманни кук1варна магъарда вичин,
Ислягьвал багъишна халкьариз чилин.
Орденри игитрин безетмишна хур,
Къурмишнай меркезда халис межлис гур.
Игит аскер
© Copyright: Нажмудин Шихнабиев 2, 2016
Свидетельство о публикации №116020810641
Свидетельство о публикации №116020810641
Рецензии
