Лагь вуна заз, к1ерецдин тар!

Курбансмяли Пирвелиев

Лагь к1ерец тар,вуна заз ви яшаркай.
Ви яшинда акур, такур краркай.
Вил хъивегь кван,чи бубайрин тарихдиз.
Ухшар яни чунни гьабур къилихриз?

Лагь вуна заз,вуч тир девлет лезгидин?
Къизил,гимиш,багьа къапар гуьзгуьдин?
Вири девлет туширни бес лезги Чил:
Багъ-бустанни,магьсул цанвай гуьзел чуьл?

Лагь вуна заз,к1ерецдин тар,чурурнавай яшари,
Бес вучиз ик1 а Чил кьунва валарини,цацари?
Бес вучиз къе, са вахтунда варлу хуьрер ич1и я?
Гзаф к1валер кас амачиз,пенжерарни мич1и я?

Лагь вуна заз,хъижедат1а мад и чилел берекат?
Меслят це т1ун, гьи патахъди ийидат1а гьерекат?
Амукьдани чахъ рухваяр,авай чпихъ уьтквемвал,
Хайи Чилин иесвализ,къалурдайбур мягькемвал?!

31.01.2016г.

Список читателей / Версия для печати / Разместить анонс / Заявить о нарушении

Другие произведения автора Курбансмяли Пирвелиев

Рецензии

Написать рецензию

Сагърай муаллим! Гзаф мана метлеб авай шиир я. Заз лап рикин сидкьидай бегенмиш хьана. Бялки вун хьтин бажарагъ авай инсанри халкьдин вилик ихьтин СУАЛАР эцигайла, чун ахварикай уях жен, хайи чилин иесивал ийиз башламишин. Занни ви шиирдиз зин фикирдалди ихьтин жавабар гана.
Кьебле патай атана гар, тарцин хилер юзурна.
Гьа вахтунда пешери заз, багъридаказ, шуршурна.
Лезги чилин ч!ал хуьх куьне, лезги чилин манини.
Сада- садаз гьуьрмет ая, гьуьрметда квез чилини.

Зин яшариз акур, такур, лап рикIивай зурба я.
Лезги чилни, лезги нефес, лезги намус багьа я.
Лезги чилел чан эцигиз, ая куьне гьерекат.
Хайи чилин иесвализ, артухара берекат.

ИкI рахана зав, кIерец тар, кармашнавай яшари.
Къуй ацIуй зин лезги макан, мягькем, уьтквем рухвайрив.
Муслимова Румина Тагировна.

Румина Муслимова 01.03.2016 17:01 • Заявить о нарушении

+ добавить замечания

На это произведение написаны 2 рецензии, здесь отображается последняя, остальные - в полном списке.

Написать рецензию Написать личное сообщение Другие произведения автора Курбансмяли Пирвелиев