***
Агь, зи хиял, гьатна рик1е,
Фикир ийида вуна"дад"квай
Шалвардикай, жибин пине,
"Жинс" лугьудай, ч1ехи ад квай.
Ам алук1на аквазва заз,
Эркекдални дишидални.
Шалвар таквар, ван-сес текъвер
Буьркьуьдални бишидални.
Вуч сейли я виридаз ам,
Парчадикай тир ших хьтин.
Яц1убур хуп1 кьадай т1арам,
Яхунбуруз дар-сих хьтин.
Гадаяр ава ч1арар -бач1ах,
Жинс-шалвардин мет1ер къазун,
Вич кьурумсах, ахъа кьурсах,
Саилдиз ухшар тир акун.
Ахьтин жинсар жеда чпел,
Кваз кьан тийиз регъуь тахьун...
Гьелбетда, рушарал гуьзел!
Низ герек я ихьтин акун?
Бязи инсанри, медени,
Алук1да кар-кеспидик кваз.
Ахьтинбурук зун гьелени,
Ама ст1уни синих такваз.
Амма, куьне айибмир зун,
Квач зи лугьуз "Жинсдик"таваз.
Галифе шалвар, гьайиф кьит хьун,
Алук1дай за чекмед галаз.
© Copyright: Фикрет Хидиров, 2016
Свидетельство о публикации №116013011611
Свидетельство о публикации №116013011611
Рецензии