Я Р Г А Л А Ч И З
Мад нупа яз,къайивал гваз,
Кьуьд атанва.
На лугьуди, лап мекьи тир
Ц1иг атанва!
Пилте-пилте жив къвазва,
Гишир ийир.
Аязди гагь къив гузва,
Ишир ийир.
Мегер жедан, ихьтин гьава,
Гар галачиз?!
Зун куьчеда тек къекъвезва,
Яр галачиз.
Пальто алаз, кьилел бармак,-
Кьил "ац1анва".
Шарф яц1у я, чими бегьле,-
Гъил ац1анва.
Кьуд пад лацу, лацувилик
Чил ац1анва.
Чина акьазвай ц1верекдик
Вил ац1анва.
Лезет ят1ан, къекъведамаз,
Ван живедин.
Т1имил жезвач чин гатазвай
Сан ц1верек1дин.
Ихьтин юкъуз жедачир заз,
Валлагь, мекьи...
Къекъведай зун , яр патав гваз,
Тух жедалди.
Къал къачуна рик1и, акваз
Ихьтин сегьне...
Сугъул хьана, гьат хъувуна,
К1вализ, рекье.
1986 й.
Жуван гъилин хат1арин тафтариз
килиг хъийидайла бегел хьайи шиирикай
яр галачиз
© Copyright: Фикрет Хидиров, 2016
Свидетельство о публикации №116012900195
Свидетельство о публикации №116012900195
Рецензии