Ялгаксшинь явомат

Николай Циликин
Оласть пиже тюсне,
                манить лямбоц лафчемсь,
Кизось прядась тевонц,
                ваймама сърхкась.
Ильхтемонза сёксесь
                лиссь руцянянь яфчазь,
Ваясть нармонь уськне
                менелень кърхкас.
Вармась стака коволхт
                пани кельме ширде,
Кяжда вирть зърнянзон
                ацай модать мяштьс.
Сёксесь кизоть мельге
                ванць-ванць, – ашезь кирде, –
Аварьгодсь, урнязевсь,
                вири сонцьке кяшсь.
Аф куватьс кяльсь-якась
                келналга-куване,
Мазы сарафанняц
                сязендевсь, палсь толс…
Ялгаксшинь пяльтьф сюресь
                ётксост ульсь шуваня,
Курок сянцка порьсы
                васень ловнянь «мольсь».


© Copyright: Николай Циликин, 2016
Свидетельство о публикации №116012706324
Список читателей / Версия для печати / Разместить анонс / Заявить о нарушении
Другие произведения автора Николай Циликин
Рецензии
Написать рецензию
Другие произведения автора Николай Циликин