Идькс пинге

                1

                Тон пряпезон сать
                тядянь моронять мархта
                И моркш алу налхксема
                мельган сувать,
                Порогть фталда яннязень
                ушетксонц архтыть,
                И ялгаксшинь сюлмось
                сюлмамазь куватьс.


                Минь фкя-фкяса эряме,
                тейнек ульсь пара,
                Хуш шкайгисонк
                эсень зияннатка ульсть.
                А павазонь кеняртькста
                миньцонк съняроль!..
                Ужяль, эсост вельхтяй
                пингть мельге стяф пульсь.


                2

                Тон кадомайть кунара, пяк кунара,
                А, пади, явомс эряскодонь монць.
                Мондейне тяни лятфнембяль вастс арать,
                И веженкшни Тонь колгат танцти онць.


                Лия идь мархта ялгандат Тон тяни,
                И налхксематне, налхкшневок лият.
                Въдь фкявок идь Тонь кядялдот аф мяни,
                Эрть мялямс-ёньц эсь колгат китькс тият.


                Мон ванан лангозт ширде сельмонь каязь,
                И ваймонь эрьхксон комболфсь вийхть пърдай…
                Идькс пингонь кизоняне эряфть томбас ваясть,
                И фкяняське синь эздост меки аф мърдай.