***

                О, ватта, кода ару кожфсь!
                И менельсь валда-сенем!
                И летьке модать ваймопожфс
                Шить сюролданза венемсть.


                Ляйсь съргозсь, вельхксонц алда лиссь
                И лажадозь нуваргодсь,
                Тусь ласькозь оцю ведти кштизь,
                Перьфпяльге кеподсь калдорф.


                Пъсьмарнясь стопась ундоня
                (Куднясь туф мяльс – аф тесна),
                Сяс кеняртьф, – морай эрь шиня,
                И моронзон аш песна.


                А вельхкссон коволня нюряй,
                Сон вата лаца ляпе.
                Валхтсь акша вазенц панда прясь,
                Сайхть лямбе вармат кяпе.


                Кърхтапа келунясь – ужяль,
                Щай паля курок сонга.
                Тундась пиж-казнят ласьфти эль
                И ёрдай панчфт Саксонга*.




       _______________
       * Саксон – Зайця велеса ульцянять лемоц.