***

                «…И живу я на земле доброй
                за себя и за того парня…»
                Р. Рождественский 
                Стяян шобдава зарявань карша,
                Мянян-ворьгодян пичефти онцтон,
                Мялям арьзястон лятфнембяльхть варчсян –
Мезь аф монь мархтон ульсь, ванфтовсь ёньцон.


                Молян паксява, кавлалган сёрось,
                Мялямсь тага эсьотям пъшкяди.
                Марян вайгяль войнас сърхкаф цёрань:
                «Учемак, мон мърдан меки, тядяй!»


                Тядясь эряфонц пес тянди кемась,
                Но изь пяшкодев максф валоц цёрать.
                Калма кев лангс илядсь аньцек лемоц,
                Да сюлмавсь мельдень эняльксоц морос.


                Касы-келеми пингонь кувалмось,
                Мирнай янгавок аськолямс стака.
                И катк ронгозень копорьготфтсь сталмось,
                Эрян-покодян кафтонкса сяка.


                А лиякс тейне эрямс аш кода, –
                Цёрать вайгялец серьгяди эсон.
                И катк мондейне ульсь сон аф содаф,
                Ару эняльксоц эряй эрь тевсон.