Кяженьбачк сялги вал ляцеть,
Сярятьфоц седизон мольсь.
Тошнась-ризфсь мяштезон эци,
Ваймонь шумбрашизе кольсь.
Тюсне сельминголен пацькавсть,
Коськсь ару кельгомань ляйсь.
Кельгомась кяльготнеф-васькафтф,
Янозе пезсь тяри шяйс.
Мезське аф кенярьфти эсон,
Арьсеф мяльсь обжавсь и тусь,
Вержокшись шисон и весон…
Коста тя сялги валсь мувсь?!
Сялги валть питнец
© Copyright: Николай Циликин, 2016
Свидетельство о публикации №116012502286
Свидетельство о публикации №116012502286
Рецензии