Вай, шумбрат, шумбрат, васень ловня!
Минь учседязь – тон вага сать.
Перьфпяльге ацавоть прокс шовня
И сёксень пяндратнень пърдать.
Тон кашт аф молезь, виздезь-пелезь
Прать шобда веня модать лангс.
И ару тюсце акшемсь келес,
Изь када фкявок равжа панкс.
Ватт, сизеф китне меки вельмость!
Синь акша лишмот арфтыхть шанчк,
А мельгаст кенордай эрькс кельмось, –
Въдь тялоть каршес ортась панчф.
Вай, шумбрат, шумбрат, васень ловня!
Тундас – тейть павазу кибря!
Пильгалонк лакак ляпе шовнякс.
Сюкпря тейть, нинге весть сюкпря!
Шумбрат, васень ловня!
© Copyright: Николай Циликин, 2016
Свидетельство о публикации №116012502275
Свидетельство о публикации №116012502275
Рецензии