Сумленна працаваць - жыцця дэвіз,
Каб сваёй справы станавіцца майстрам!
Хоць і выкідваў лёс мне свой капрыз,
А я ішла - "per aspera ad astra"!
Быў незнаёмы выраз - "не магу",
Было жаданне, луста хлеба ў кайстры...
Усё жыццё свой гонар берагу,
Праходзячы "per aspera ad astra".
З жыцця звычайны прыклад прывяду,
Што не заўсёды першы, хто гарласты,
У "залатой сярэдзіне" іду
Я з годнасцю - "per aspera ad astra".
І як апошні выдзеляць надзел
Са спісаў тых зямельнага кадастра,
Хацелася б ляцець у гэты дзень
З анёламі - "per aspera ad astra"...
24.01.2016 Ядвіга Доўнар(Кур'яновіч)
"per aspera ad astra"(лац.)- праз церні да зорак.
Per aspera ad astra!
© Copyright: Ядвига Довнар, 2016
Свидетельство о публикации №116012407778
Свидетельство о публикации №116012407778
Рецензии