Кельгома тядяняй, шачфтыняй-касфтыняй,
Порькскаса анниняй, кис лихтиняй,
Лажназь прважайняй, кенярдезь васьфтиняй,
Тячемс ужяльдезь пшкятькшнят: «Идняй!»
Кельгома тядяняй, ажаняй-матаняй,
Тячиняй-вандыняй, виде киняй,
Пелезне стяфтыняй, кельгозне матыняй,
Шобдавань заряняй, валда Шиняй!
Кельгома тядяняй, кемама вастоняй, –
Ащат кибрясон прокс тяште сиянь, –
Пацяняй, неженяй, менельняй-масторняй…
Тон лацот Тядя аш киньге лиянь!
ТЯДЯ
© Copyright: Николай Циликин, 2016
Свидетельство о публикации №116012405216
Свидетельство о публикации №116012405216
Рецензии