Шумуд югъ я чун чахъ галаз рахазвач,
Шумуд югъ я вахъ вил гала – аквазвач.
Къакъатда жал: чи араяр рекъизва…
Белки ибур чи гьиссер я рекьизвай?
Яраб гила чи гьиссерни рекьизва?
Вуч иер тир чи суьгьбетрин легьзеяр,
Хкажзавай муьгьуьбатдин мезреяр.
Са ч1авара чун шииррал рахадай -
Ви гьар са ц1ар заз гегьвердай аквадай.
Мукьвал-мукьвал гъидай вуна заз цуьквер,
Заз ак1 жедай зи умудрин я эквер.
Вун гьазур тир багъишиз заз са алем,
Амани ви гьиссеррикай са ц1елхем?
Зи кьат1унар ваз аквадай вилерай,
А вилерал вун ашукь тир эвелай....
Гьинва бес ашкъ, савкьват тир чаз Аллагьдин?
Кьурана жал хел илгьамдин булахдин?
Шумуд югъ я чун чахъ галаз рахазвач,
Шумуд югъ я вахъ вил гала – аквазвач.
Къакъатда жал: чи араяр рекъизва…
Белки ибур чи гьиссер я рекьизвай?
картинка с инета
Чи гьиссер
© Copyright: Гасанова Гюзеля, 2016
Свидетельство о публикации №116012404209
Свидетельство о публикации №116012404209
Рецензии