Ломань ёткса-тевса
аф иляды фталу,
Марстонь мороть ладонц
вятьсы маштозь, лац.
Сельмодема вастокс
сембонди ульсь фалу,
Алятненди тячемс
тяфтамкс сон илядсь.
Ару сельмованфоц
вестьке ашель шобда,
Ули кудоц, перец;
калдазсонза – тракс.
Ронгса, мазышиса
Шкайсь ашезе обжа,
Аньцек вов изь лисев
мес-бъди ърьвакс.
Кизефтьсазь кой-коста:
«Кода эряфсь-ащефсь?» –
Авать вайме эрьхкста
валня аф лийкстай.
Содайкска аф тии,
кядь яфоди машнезь,
Копорь пяльде шарфты,
салава куфкстай.
Мирдьфтома
© Copyright: Николай Циликин, 2016
Свидетельство о публикации №116012303336
Свидетельство о публикации №116012303336
Рецензии