Сась илядсь и сетьмось
Ломань вайгяльсь-кяльсь.
Тефне шуморсть-петевсть,
Шопотькшни перьфпяльсь.
Лядихне лугаста
Сизефкаста сайхть.
Мельгаст лядем вастста
Тишень таньф шиньфтай.
Кизонь шить псиц явась,
Кельме раса прась.
Ононзон весь яви,
Матодовсь исась.
Аш алашань айдяй, –
Лишмотне пърьгафтфт.
Капатне кить крайге
Равжа офтокс матфт.
Ковсь веньберьф, шять, сисемксть
(Ватт, учётчик мувсь!)
Лятьф лугать вельхксс лисендсь,
Вачкаф капат лувсь.
Тишень урядамда меле
© Copyright: Николай Циликин, 2016
Свидетельство о публикации №116012303288
Свидетельство о публикации №116012303288
Рецензии