Сай тундась, яннясь тердьсамазь минь,
Кашт аф молезь кинява тутама.
Кельгса марлюксонь панжема пингть
Мархтот шобдавас саду имамать.
Кельгса садняньконь кизонь илять,
Сельмованфозот ваямать кельгса.
Кльгса коморсон ваймоси кятть,
Эвотьф нармоннякс мянеманц пельса.
Шумордасыне моронзон цёфкссь,
А минь кяштяма сёксень садть шобдас.
И сърхкатама кельгомань ёфксс,
Эсь пря ляцтяма ёфксоньконь томбас.
Тялонь саднязонк яннять мусаськ,
Ловонь порфса хуш ушесь уфаза.
Мезе няйсь, сянь аф азондсы садсь…
Сай тундать тага сатама тяза.
***
© Copyright: Николай Циликин, 2016
Свидетельство о публикации №116012303146
Свидетельство о публикации №116012303146
Рецензии