«Тядяй, хуш фкя недяляняс сада», –
Тердихть ошу стиренц мархта овсь.
– Апак уштт куднязень, што ли, кадан?
Да и пялонт кизень перясь ловсь.
«Тя тундать ърьвять мархта учтядязь», –
Телефонца цёрац ошста гайфтсь.
– Пересь видема, – отвечай тядясь, –
Аф тисак тянь, сюдотанза Шкайсь.
Оцю ошса вестеньге сон ашель.
И аф ули вестьке, улема.
«Вай, иднязе, корхтамацти машнян, –
Аш мзярда: пересь шувома…» –
Тердить каршес оду мярьги тяфта.
Тейнза, няк, наголь алдасук.*
Ошу тердись, тефнень эзда яфта!
Фкя шиня хуш вели ардомс мук.
Ату эстейть телеграмма кандыхть:
«Тядяце мадсь модас мельдень онц».
Сяс тяк учсе варьхмодеманц вандыть,
Тядянь шири адерляк кис тонць.
*Алдасук - аш мъзярда
***
© Copyright: Николай Циликин, 2016
Свидетельство о публикации №116012303127
Свидетельство о публикации №116012303127
Рецензии