Кодак варьхмоди, ластяса лишмозень,
Пакся янга туян ардозь шанчк.
Сёроть комболфоц каршезон вишкоми,
Зарянь кенкшсь келес инголен панчф
М о р з ю л м а:
Пакся, пакся, вай, пефтома пакся!
Лангстот пингс коре полафнят котфть.
Мархтот ялгандан, кядьбецек яксян,
Фкя-фкас шкайгиньке кемоста сотфт.
Кизоньберьф ванат эняльдезь менели,
Жаворонкань морс ванфце сюлмаф.
Сёронь товце шить ала козк кенери,
Ширдет сайхть сталмонь уски улафт.
Морзюлмось сякось
Карьготьф равчнень муськсазь сёксень пизепне,
Акша вельхкс алу кяштянза ловсь.
Эвфтсы тялось цят кельмоса сизефцень ,
Онцень сетьмошинц кородсы ковсь.
Морзюлмось сякось
Сай тундась, марстонь тевоньке вишкомихть,
Тага ваймозень таколфсь люпштай.
Морса опаптсы сетьмоть кшнинь лишмозе,
Вельхкссот кожфсь пидеф кшиса шиньфтай.
Морзюлмось сякось
Мора паксяти
© Copyright: Николай Циликин, 2016
Свидетельство о публикации №116012303063
Свидетельство о публикации №116012303063
Рецензии