Шуморсть паксяса сизефти тефне,
Коськсь лугась, панчфу тюсонза пацькавсть.
Вармась келуфнень ёткова эфти, –
Кочкай золотань тенькаса дацьканц.
Шаржу коволхне стакаста курькстыхть,
Менелть начконцты шись ваясь-солась.
Лии нармоттнень лажнамань урьфсна
Ару ваймозень сетьмошинц колазь.
Кельмось салава ляйть вакска якай.
Вень кувалмос петькст сёрмады лешса…
Тя шить тюсоц катк эшентьф, а сяка
Мон эрь мезне сонь серьгядьса-вешса.
Пиди тядязе од сёронь пачат,
Таньфсна срадозь туй шобдавать вельхкска.
Пади, сяс, мес мон сёксенда шачень,
Седи вакска тя пингть шнаса-кельгса.
Шачема шизти
© Copyright: Николай Циликин, 2016
Свидетельство о публикации №116012311456
Свидетельство о публикации №116012311456
Рецензии