Вай, шачем крайняй – мокшень веле,
Мес ваять сери палакс ёткс?
И ляйце шуди виздезь-пелезь
Каль юрхнень алга, – ваяф лоткс.
Ураткшнесть пинетне – аш гавкстай,
Ульцяват вармась ускси сорхт.
Срадсь-каладсь кевста вачкаф лавкась,
Вень шобдазт опамсь стирень морсь.
А вельхкссот калмолангонь сетьме,
Идь вайгяльсь школастот юмась.
И аньцек кукусь луви летнязь
Илядыкс шитнень, улема.
И келуфне киграйгат ломанькс
Лазкс мельге, мярьгат, шятнихть, ватт.
Ризфть эзда прясна модас комафт,
Пильгалост мельдень кице матф.
Веленязень тячиец
© Copyright: Николай Циликин, 2016
Свидетельство о публикации №116012311346
Свидетельство о публикации №116012311346
Рецензии