Мон ёмла веленяса эрян, –
Сонь ронгонц вакска шуди ляй, –
Зияттнень киснон тяза перян,
Сяс сонцьке эсон кунеляй.
Луганза таргафт ляй тървава,
А тоса – кодама аш панчф!
Сак инжикс пялонза кинява,
Сонь атямъёнгонь кенкшец панчф.
Шинь стямста палы менельть пялец
И мадомстонзонга юрнай.
Сиянь ведьбутькта пяшксе элец
Веть тяштень пиземкс нарть лангс прай
.
Шинясь пря вельхкссонза зърнянне
И тюсне инголенза валтт,
А мъзолфкац сонь од стирнянне…
Аф мушендан шнамс мазы валхт.
Мон ёмла веленязень кельгса,
И сонга кельгомон, няк, маштсь:
Сон, кода тядя иденц вельхксса,
Морхт морси тейне, – песна аш.
Веленязень исякоц
© Copyright: Николай Циликин, 2016
Свидетельство о публикации №116012311337
Свидетельство о публикации №116012311337
Рецензии