Шобдавать онняста кородозь стяфтсак,
Кеподи каршезот прянянц эрь панчфсь,
Мелавнясь пацянят тондееть яфчай, –
Ялгаксшинь кенкшкяце сембонди панчф.
Ажаняй, ялгатфан монга тонь мархтот,
Вельхкссон зърнян сюролданятне пялтьфт,
Янняван аськолямс валда тюст архтат,
Казендьсак лямбоцень апак ужяльтть.
Кяпоня кштизь ётай пиземсь ульцяванк,
Атямъёнгс кеподят ляйняньконь вельхксс,
Пиндолфнень-вандолфнень перьфпяльге яват,
Тоньфтомот сембонди эрямась пелькс.
Ажаняй шиняй
© Copyright: Николай Циликин, 2016
Свидетельство о публикации №116012311306
Свидетельство о публикации №116012311306
Рецензии