Зи гъейретди, намусди, вижданди
Заз лугьузва герен-герен, авайвал:
Яб це, Фикрет, виридалай масанди
Сифте диде, ва адан михьи ч1ал я, ч1ал!
Межлисрани, мехъеррикни мелени
Майданрални, куьчедани, масанран,
Жуван хайи хизандихъ галаз к1валени
Рахазва, михьивал хуьз дидед ч1алан.
Гагь-гагь жеда зун туьхк1уьриз гъалат1ар,
Луьк1вендайла дустунив, чирхчирдав...
Авазва чаз вири шеериз талукь гафар,
Кутан тийин ч1алак хирде-харчи тав!
Гьелбетда, ч1алар чир хьун хъсан я,
Гьа ч1аларал фасагьатдиз рахайт1а...
Са ч1ал - са кас, вад ч1ал - вад инсан я,
Вад ч1алални рахух, четин тахьайт1а.
Заз хайи ч1ал вири ч1аларилай вине я!
Диде хьиз ам пак я,- адав гекъигна.
Заз экв гузвай кьве вилин экуь нине я.
П1ип1 жагъурна, рик1ин къене, эцигна.
эцигна
© Copyright: Фикрет Хидиров, 2016
Свидетельство о публикации №116012311189
Свидетельство о публикации №116012311189
Рецензии