Пужсть панчфне, олась менель сенемсь,
И сталгодсь шобдавань туманць,
Унжань котфсь кизоть мельге венемсь,
Шинясь пърдазе мъзолфканц,
Урядафт тишесна лугатнень,
И паксянь тефне шумордафт,
Зърнянь тюссь келуфнень пряс фатни,
Илядыкс кенерьф марьхне прафт,
А вярьге уськокс таргавсть толгафт,
И лажнай вайгяльснон кулят –
Тя сёксесь пялонк саманц колга
Пачфтсь тейнек ичкозде кулят.
Сёксеть кулянза
© Copyright: Николай Циликин, 2016
Свидетельство о публикации №116012203598
Свидетельство о публикации №116012203598
Рецензии