(М.Исаковскяйнь «Вишня» стихонц коряс)
Кизоть мани шиц ванць сёксеть шири…
Пакся янга сизеф атя кяльсь,
Кядьнучксонза шнофкакскя кандсь вирень,
Аськолясь сон куду кепотьф мяльхть.
Кенярдемань сельмованфса фатясь
Марнек перьфпяльть велеть шири сайсь.
«Эрька лятфнембяленди, – мярьгсь атясь,–
Шнофкакскязень озафтса кить крайс.
Киза ётазь келеми, серьс касы,
Мазышинцты мазолгоды янць.
Акша панчфса молить кинц шукасы,
Тёждялгофтсы ронгонь сизефканц.
Танцти имошт аф ужяльдезь кази,
Эшкскаса эрь ётайть кътмордай.
Ваймаманкса пара валхт ся азы,
Моньге, пади, лемозень кундай.
Ну и мезе, мес тияне якайть
Пара вал тървастонза аф прай.
Шнофкакскязень озафтса мон сяка!
Шуфтонязе мазептсы ки крайть.»
*Шнофкакс ¬¬– вишнякс
Шнофкакс
© Copyright: Николай Циликин, 2016
Свидетельство о публикации №116012203541
Свидетельство о публикации №116012203541
Рецензии