Вов и ётась
кизонь отькорь пиземсь.
Сатомонза
шудерькскясь сърхкась.
Кенордазь ласьксь мельганза,
но сизесь,
Ведьс пря ёрдась
сядонга кърхкас.
Луви кукусь
кинди-бъди кизот,
Атямъёнгонь ортанц
менельсь панчсь.
Кадозе унжаняське
эсь пизонц,
Ваны,
кода шалька соты панчфсь.
Пяярсть лядыкс ведьбутькне
кальть эльста,
Медень таньфкя
модать вельфке лийсь.
Сембе эрект,
сембонь кепотьфт мяльсна.
Сембонди макссь пиземсь
эрьгя-вий.
Пиземть виец
© Copyright: Николай Циликин, 2016
Свидетельство о публикации №116012203524
Свидетельство о публикации №116012203524
Рецензии