Вай, коса кельгомазе ся?
Ков тусь сон такорготф кинява?
Пря вийнень лятфнемац муцяй,
Псиц-лямбоц седистон аф явай.
Сон апак учсек пиземкс сась,
Ки лангстон штазень уликс сорхнень,
Сурбеса кядезон кундась
И комафтф сельмованфса корхнесь.
Сон яксес мархтон од шить стямс,
Изь ляткшне монь эздон вакс пеня.
Хуш мялец ульсь… пельсь кътмордамс,
Виздсь паламать мянь шобда веня.
Ся кельгомастон анан лезкс,
Хуш шарьхкодьса, юватькшнян абон.
Кърхкаста налоц эзон пезсь,
Илядонь сярятьфть мархта ськамон.
Ся кельгомазе коза кяшсь?
Вай, коса ажанязень калмоц?
Но сякокс кеман шкайгинь тяштьс:
Кибрязон прай сон эрек валдоц.
Кельгомас кемама
© Copyright: Николай Циликин, 2016
Свидетельство о публикации №116012203514
Свидетельство о публикации №116012203514
Рецензии