Уихть коволхне алга,
Пяльдихть-понайхть ведь уськт.
Комафтф прянят вирь фталга
Кизось салава тусь.
Менельть сенемоц тярьгодсь,
Сталмоц матрай-люпштай…
Коза кизозе эрьгодсь?
Меки мес аф мърдай?
Вармась вальмалон лотксесь,
Начка лопаса сельгсь.
Азость, мезенди сёксесь
Лямбе кизозень нельгсь?
Нинге кемама ёньцон,
Меки кизоть учсян.
Эряфть коенза сонцень, –
Тапайхть койс коре ян.
***
© Copyright: Николай Циликин, 2016
Свидетельство о публикации №116012203494
Свидетельство о публикации №116012203494
Рецензии