Пингонь яноц-киц тялоть аф перяви,
Монцьке лажадонь акша тюс пацянцты.
Тейне цят моли якшамоц эряви,
Кода кече пуресь тошнань ацянфтомс.
Веши седизе мархтонза васьфтема,
Ёран кемокстамс ялгаксшинь сотксоньконь.
Соньге вишкомкшни каршезон ласькомац,
Сонга машфты-кирьфтай уликс ётконьконь.
А мъзярс нинге кажелды нюдихне
Тошказь шнайхть кельме эрьхкть маця ведензон,
Лешаф шобдавас ковть ала нюдендихть,
Мярьгат, оржа налкс пезфт лажнай седизон.
***
© Copyright: Николай Циликин, 2016
Свидетельство о публикации №116012203232
Свидетельство о публикации №116012203232
Рецензии