Удоманязе яви козк мархтон,
Ару вальмаванк варжаксты шись,
Валда тюсса кудботмоньконь архтсы,
Нумолнянза киякссонок кштихть.
Сюролданянза шамазень ёлгайхть,
Токай щёказон лямбе тървац.
Васта лангстон лийкстан тёждя толгакс,
Венептьф кяднязон прай мъзолфкац.
Мзолфканц ванфтозь-кородозь ласьфтьса, –
Ваяй оннязе тядязень мяштьс.
Од шить ушетксонц пеедезь васьфтьса,
Вельхкссон кеподи павазонь тяштьсь.
Ваны шинясь вальмаванк
© Copyright: Николай Циликин, 2016
Свидетельство о публикации №116012203146
Свидетельство о публикации №116012203146
Рецензии