Саду ваны кудня

                П. Алёшинати
               
(«Домик окнами в сад»
мороть лангс нежедезь)               

 Саду ваны кудняв
Лажнай седизе уромф:
Тячи марень шиньфкя
Тоста варманясь усксь.
Саду ваны кудняв
Мон мрдан, шять, аф курок…
Ожу, явсян цютькя, –
Сязьса лажатфонь уськть.


Саду ваны кудня…
Учси тядязе тоса,
Нарни кольф сельмованф,
Кядьруцяняц мянь начксь,
Саду ваны куднять
Лопань порфне уфасазь.
Тяза саян – суван
Ширемф ортанянц пачк.


А мъзярс ся кудняв
Якан мон аньцек онцтон.
Тяса вельхкссон куватьс
Морсесь тядязе морхт.
Саду ваны куднясь
Весть аф явфтови моньцтон,
Тячемс мяляфтса лац
Кажнай шочкстонза моргть.


Саду ваны куднясь
Тяни ламода таштомсь,
Пяльди-понай пикскя
Содса вадентьф турбац.
Саду ваны куднять
Терди виец аф машты, –
Тись шкайгисон китькскя,
Пичефкс ваймозон кадсь.


Саду ваны кудняй,
Тячи тошнане пуромсть,
Сяс мес марень шиньфкя
Эздот варманясь кандсь.
Саду ваны кудняй!
Мон мърдан тейть аф курок…
Ожу, явсян цютькя, – 
Сязьса лажатфонь уськть.