Гьик| хьана дуст,гьик| хьана ?
Къвезмач хьи зал кьил ч|угваз.
Лагь гьикьван фад рик| хана,
Дуст рик|елай фена ваз ?
Йикъа садра къведай вун
Зун къуллугъдал алайла.
"Стха"лугьуз жедай вун,
Зи гъиле "кьуш"авайла
Ни агална ваз рак|ар,
Ахъаз хьайи гьамиша ?
Акалнани за дап|ар,
Ихтиз дустар-танишар ?
Ваъ,зун зун яз ама дуст.
Вакай ракъин цуьк хьана.
Зал тек са чин ала дуст.
Лагь,вал ругуд гьик| хьана?
Лап к|еви дуст хьанва ваз,
Зи чкадал хьайиди.
Мад аллагьди ганва ваз,
Ишлемиша ц|ийиди.
Гьинал дерин алат|а,
Гьанихъ ялда балугъди.
Зи дуст лугьун гъалат| я,
Дуст тир вун зи къуллугъдин !
Са дустуниз
© Copyright: Сейфудин Шахпазов, 2016
Свидетельство о публикации №116012101707
Свидетельство о публикации №116012101707
Рецензии