Менельсь тяезень туцянзон,
Лямбе варманят уфазевсть,
Мазыхть зарявать руцянза,
Мъзолфканц Шись вярде кази.
Тялось обжавсь, мялец колавсь,
Нъльне аварьгодсь – изь кирде,
Ловонц акша тюсоц олась.
Лиихть нармотть лямбе ширде.
Грацне тетьксихть кълдомаснон
(Нать, исть сата шуфта прятне),
Петнихть-лацсихть нарвам вастснон.
Ласькихть ляи шудерькскятне.
Ляйхне синцьке онцтост съргозсть,
Калдорф-лагорф кепсихть вельхкссост,
Тесна берякснон лангс изгордсть –
Шада веттне волять кельгсазь.
Панда пряса васень нарнясь
Солаф ловнять алда вельмось.
Менель келеть шнай пъсьмарнясь,
Ворьгодсь тялонь лядыкс кельмось.
Вов идьморсь пъсьмарти серьгядсь:
«Ундоня-кудня тейть тиень!
Кизоньберьф куднясон эряк,
Эрь шинь стямать каршес лиенть!»
***
© Copyright: Николай Циликин, 2016
Свидетельство о публикации №116012111152
Свидетельство о публикации №116012111152
Рецензии