Тялось эряскодозь сай
Шачф ърьвяня лаца,
Модать равжензон пърдай,
Муськф нуланзон ацай.
Сотсь кузнятнень пряс руцят, –
Акшедонга акшет;
Якшамсь перьфкаст моли цят,
Ронгоняснон ашкодсь.
Куттне щакшнесть акша васть,
Пянакудсна явайхть.
Ляйхне эй алу сувасть,
Вальмат лешсь рисавай.
Ласьки-кенордай буранць,
Ловонц ёряй эльста…
Тялось азоркс маряй прянц,
Кяли кепотьф мяльса.
Тялось сай
© Copyright: Николай Циликин, 2016
Свидетельство о публикации №116012110631
Свидетельство о публикации №116012110631
Рецензии