Седнять алга ляйня шуди,
Жольняй-горьняй шить и веть.
Шяй търваса явси нюдись,
Пильгоняц пезсь пяндра летькс.
Ёрай нюдись самс ляйть малас,
Шудиняти сюконямс,
Цильфса ару веднянц паламс,
Виде ронгт шить каршес стямс,
Морсемс морнят вармас коре;
Ляйнять жольфоц максоль лезкс…
Да вов шяйсь тянь тиемс шоряй, –
Тяри пяндрац пяк ни пезкс.
Сяс и явси цють аф летнязь,
Эмянь ватракшти ужяль.
Полда сельмонза сянь летькомсть,
Нюдить шири квакназь кяльсь.
Нюдись явси
© Copyright: Николай Циликин, 2016
Свидетельство о публикации №116012110613
Свидетельство о публикации №116012110613
Рецензии