Энялькс тядязти

Въдь нинге ёфси аф кунара
Монь вельхкссон морняце нюрясь…
Тусь шабакспингозе Тол-нармонькс,
И сязевсь ётксонк сюренясь.


Тейть лажатфсь мяштезон аф тяльги –
Ки лангстон, тядяй, учемак.
И шаржу прянязень ужяльдезь
Эсь лямбе мяштезт кътмордак.
Катк кштирце сюре одукс пяльди,
Од морня эзонза сюлмак.


Киняван аськолямась пара,
Шиньстямась каршезон юрнай…
Инь питни казнекс морце арась,
Сон седи ваксстон аф юмай.


Уфайхть ки лангсон ару вармат,
И атямъёнгонь ортат стяфт…
Эрь, тядяй, серцек озак-арак, –
Кудъётконь тефнень эзда яфт, –
Идькс пингонь морнязень уставак
И шабакспингозень мрдафтк.


Сюкпря Шкайгизти! – монцьке моран –
Идь ванникс тяни арань монць.
Лияста сякокс эхи! ёран
Нюрямозт мадомс шабань онц.


Катк тяшттне шобда менельть архтыхть, –
Веньберьф синь эздост аф фкя прай, –
Эрь корхнек, тядяй-авай, мархтон,
Шять, шабакспингозе мрдай.
Эрь корхнек, кельгомнязе, мархтон,
Идькспингсь катк кядьбезон кундай.