Юсупу

Са хьоме ,са жима Юсуп,
Къинти1ра валаха суна.
Ас хила лайти х1о бала,
Жима дог делхи кха ц1изаш.
Лаар кха хо мара къовла,
Доггаха барт бакха хьуна.
Жималла яхьи ахь г1ила,
Шийлачу х1усаме хьийзаш.

Хьай берал йицйина хила,
Лили хьо, хьаста со ецуш.
Са кьорни далахь къинт1ира,
Доьху хьоь, вала йиш ялахь.
Хилаза юрг1анах хьерчаш,
Лихи ахь къе елла йоьвхо.
Набаро хьой 1еха валац,
Цу Делле велхавеш довхо.

Са къорни доьху ас хьоьга,
Къинт1ира валахь хьо суна.
Со бахьняхь нийсархойх хьоьгуш,
Лили хьо боллар лаг1динa.
Сьуйренца ёг1ар ю моьтташ,
1уьренца кхочар ю бохуш.
Са жима ,са хьоме Юсуп,
Лили хьо г1ийла сатуьсуш.


Со хьуна декхар ю тахна,
Ахь г1ила яхьанчу ханна.
Ахь хеназ лайнач халонa,
Хьа кийра хьизанч шилонa.
Са кьорни, са жима Юсуп,
Маугли хилла хьо лили.
Къинт1ира валахьа суна,
Нагахь хьай вала йиш ялахь.


Ас дийцарx, ас бахарх, со елхарх,
Нислур дац, ерзар яц зама.
Са жима са хьоме кьорни,
Лалац соь ахь лайна бала.
Дилхин дог, кхача луш хилча,
В1арз дин са, хада луш хилча,
Хир яра г1ан хилла лелаш,
Ерзаза дагт1ира чоьвнаш.

Б1аьргехар чекх долуш хи хилча,
Ойлано хье бат1ош хилча.
Хир яра ц1и б1аьргех туьсуш,
Майданяхь тил елла лелаш.
Са хьоме, са жима Юсуп,
Валахьа къинт1ира суна.
Валахьа къинт1ира суна ,
Нагахь хьай вала йиш ялахь.


Са хьоме ,са жима Юсуп,
Къинт1ера валаха суна.
Ахь г1ила яхьанчу ханна.
Хьа кийра хьизанч шилонa.
Са жима са хьоме кьорни,
Лалац соь ахь лайна бала.
Къинт1ира валахьа суна,
Нагахь хьай вала йиш ялахь.((((