Муьгьуьбатдикай кхьей манияр
Акъудиз хьанач завай арадиз.
Кьисмет тахьайла вун,зи кIани яр,
Хуьзва за абур яна харадиз.
Ругни ацукьна баят я чарар,
Шкафдин вини кьацIал акъатна.
Чи жегьилвилин шагьидар-цIарар
Хелветда аваз йисар алатна.
Эхир са юкъуз куда за абур,
Сир яз амукьрай тухудай суруз.
Вун заз ахквадач,гьикьван хуьн сабур,
Ахцукьдач метIел,хуькведач хуруз.
ЦIайни гум жеда чарарин хара,
Лацубурикай чIулавар жеда,
Муьгьуьбатдикай руьхъ жеда къара,
РикIин гьиссеркай ялавар жеда !
Ялавар жеда
© Copyright: Сейфудин Шахпазов, 2016
Свидетельство о публикации №116011801848
Свидетельство о публикации №116011801848
Рецензии
Буюр ша илиф ,вад эцигна к1анзавайди тир Сейфудин стха ,куьн шиирар к1елиз гьамиша хуш я заз.
Гулья Мисриханова 28.01.2016 19:21 Заявить о нарушении
Гулья Мисриханова 28.01.2016 19:21 Заявить о нарушении