Шчаслiвая
Я шыкоўна шчаслівая, людзі!
Аддаюся ў вашы абдымкі,
Зноў мне – дыхаць на поўныя грудзі,
А не кісла ўсміхацца на здымку.
Свет – вялікі!.. А цемра – такая…
Што, здаецца, самое жыццё!
А я ўвечары ціха гукаю
Між аблокаў таго, хто не збёг.
З мітусні насмяяцца няпроста!
Я шчаслівая, людзі! Хадзем –
Я хачу падарыць гэту ростань
Вам! На шчасце! І – удачы на дзень.
6.06.2005
© Copyright: Анна Митуневич, 2016
Свидетельство о публикации №116011812049
Свидетельство о публикации №116011812049
Рецензии