Вин чирвилин гьунарри, зин
Кьил элкъуьрна ,азиз доктор
Эцигайла хирел на гъил
Регьят хьана ,рик1из доктор.
Вин мецин ширин гафари
Зин бедендик руьгь кутуна
Вуна заз ягъай рапари
Зайиф беден куьк хъувуна.
Азиз доктор куьн гьунарар
Вилералди акурла
На сагъ хъувур шумуд касди
Ваз гьуьрметар авурла.
Шадвилелди ,кьакьан буйдиз
Килигиз гьейран я зун
Гъилер къизил ,рик1ни михьи
Мергьемет инсан я вун
Яшамиш хьухь ,яшамиш хьухь
Яргъи уьмуьр гурай ваз.
Куьмек гузвай .гьар са касдиз
Бахт, ва сагъ чан хьурай ВАз.
доктор
© Copyright: Гулья Мисриханова, 2016
Свидетельство о публикации №116011712680
Свидетельство о публикации №116011712680
Рецензии