Баркалла квез, чан бубаяр!
Рик1ел хуьх, яб це балаяр:
-Ветеранри ч1угур зегьмет
Квадармир, це лайих къимет.
Дяведин ц1а хьайибур пуч,
Жегьилзамаз акурбур гуж.
Бес вучиз ик1 бахтсуз хьанай?
Дуньядилай вахтсуз фенай?
Хенде хьанай лезги рушар
Лув ат1ай къушариз ухшар.
Чаз чешне я абур, вахар,
Сабурдив тухвай йиф-йикъар.
Балаяр, квекай шегьерар
Хьурай чаз, це хуш бегьерар.
Ислягьвал, хийир хьуй к1вале,
Мел-мехъерар гьар са хуьре.
Лезги лагьай т1вар рик1елай,
Лезгистанни куь мецелай
Алудмир, квез хьурай веси:
Къени кардин хьухь иеси.
Кьуьзуьвилиз ая гьуьрмет,
Ватандинни чир хьухь къимет.
Т1алабзава, хьурай квез кьин:
Такурай мад дяведин чин...
9 май - Гъалибвилин югъ
© Copyright: Гасанова Гюзеля, 2016
Свидетельство о публикации №116011612326
Свидетельство о публикации №116011612326
Рецензии