Къуба дагълар исятда бул живеда,
Куь илгьамди михьиз абур ц1урурда..
Салам-хийир, хъуьт1уьн мекьи береда,
Ахцегь хуьряй гьуьрметдивди ракъурда.
Гьайиф-гьайиф къубадин йиф вилериз,
Аквазвач гьич, сергьятдин ц1ар, цал ава.
Гьарайзава Самур деред лифериз,
Твах къубадиз, жегьил рик1е т1ал ава.
Яд к1ан жеда, м1етер чилив эгисна,
Булахдивди терхи п1узар акалда.
На лугьуди, рик1ел темен илисна,
Къубадин ци кьуьзидакай аялда.
Эй хиялар, вегьимир зун зиндандиз,
Зи бедендик ша лувар хьухь, минет я..
Чун Ватандай мугьман жеда Ватандиз,
Им лезгийрин залан кьисмет, адет я.
Эйваз муалимдиз чар
© Copyright: Сулейман Ахтынский, 2016
Свидетельство о публикации №116010905975
Свидетельство о публикации №116010905975
Рецензии