Свас хьиз иер аквазва,
Жив ацукьна къе шегьер.
Цава ц1верк1в къугъвазва,
Налугьуди я эквер.
Ацукьнава зун к1вале,
Пичин патав агатна.
Къелем ава зи гъиле....
Зенг ягъай ван акъатна.
К1унч1 туьк1уьрна гьазурай,
Агакьнава зал цуьквер.
Яраб и кас вуж хьурай,
Рекье тур заз и гъетер?
Рап1-рап1 ийиз гузва нур,
Экв аватна кьуд патаз,
Акъвазнава такабур
Цуькверин к1унч1 салам гваз.
Инихъ анихъ килигна,
Белки ават1а кагъаз?
К1унч1 къапуна эцигна,
Ацукьна лап муьгьтел яз.
Цуьквер авай кьватидай
Гъвеч1и са чар акуна:
-Анжах рик1ин сидкьидай! -
Гафар иер хат1унал.
Хъуьт1уьн пис мекьи юкъуз,
Заз и савкьват гьазурай,
Т1варни к1ан тахьай лугьуз,
Сагърай вун к1унч1 ракъурай....
Бес ваз за вуч лугьурай?....
Цуькверин к1унч1
© Copyright: Гасанова Гюзеля, 2016
Свидетельство о публикации №116010900451
Свидетельство о публикации №116010900451
Рецензии