Зарафат,хъвер ишлемишиз,
Нагьакьан кар пислемишиз.
Хквезмач...За гуьзлемишиз.
Ви рик1ин чим бес жезвач заз!
Вун алай гьар межлис,к1ват1ал,
Сувар тир ви дустар патал.
Вучиз фена туна к1вал,мал?
Ви рик1ин чим бес жезвач заз!
Садра акур,санал фу т1уьр,
Гьар са касдиз вун багьа тир.
Етим хьана Хуьрелрин хуьр.
Ви рик1ин чим бес жезвач заз!
Гьич к1андачир ваз усалвал,
Я алчахвал,я фашалвал.
Вучиз гьалтнай а завал вал?
Ви рик1ин чим бес жезвач заз!
Ийидай ,дуст,на заз гьуьрмет.
Гуз алахъдай жедай куьмек.
Авачир ви т1варц1из къимет.
Ви рик1ин чим бес жезвач заз!
Дустуниз
© Copyright: Курбансмяли Пирвелиев, 2016
Свидетельство о публикации №116010800561
Свидетельство о публикации №116010800561
Рецензии