Ават1ани ваз лап вири:
Гъвеч1и- ч1ехи,эркек,диши.
Виридалай рик1из чими,
Я хьи валлагь жуван къари.
Жув ксанмаз ц1ай хъийида,
Хап1а,шурпа,чай ийида.
Яз хьайт1а вун са гъвеч1и кас,
Лап асланрин тай ийида.
Ваз т1азвайла патав жеда,
Гьамиша ви къулав жеда.
Хьайит1а вун са (ю)къуз къуьруь,
Ам ваз гудай къилав жеда.
Эхда вири четинвилер.
Гьа ви сивин чиркинвилер.
Гьикьван чна чин ч1урайт1ан,
Так1ан жедан къари мегер?
Гьар итимдихъ виш йисалди
К1убан,куьп сагъ къари хьурай!
Начагъбурни и ч1авалди,
Сагъ хъхьана дири хьурай!
Март 2007г
Жуван къаридиз
© Copyright: Курбансмяли Пирвелиев, 2016
Свидетельство о публикации №116010805364
Свидетельство о публикации №116010805364
Рецензии