Лам тушир гьа,лап балк1ан тир.
Шивдилай са к1ус аск1ан тир.
Ваз зи лам вучиз дак1ан тир,
Азиз тир хтул Джалалдин?
Жанавурдиз къаргъиш ийиз,
Ишлемишдай яракь течиз,
Ацукьмир вун зат1ни тийиз,
Азиз тир хтул Джалалдин!
Авай(ди)тир ваз куьгьне ракьар.
Гьак1 ракъурмир вуна йикъар.
Ягъ залумдин к1вачиз ракьар,
Азиз тир хтул Джалалдин!
Амачни вахъ иски ружа?
Луьле алай вичел къуша.
И кар эхун ваз хас туша,
Азиз тир хтул Джалалдин!
Генани за ваз са меслят гун,
Кутугнавач ваз зун тек тун.
Ви пенсиядихъ са лам вахчун,
Азиз тир хтул Джалалдин!
Мисрихандин ламран силис
© Copyright: Курбансмяли Пирвелиев, 2016
Свидетельство о публикации №116010709583
Свидетельство о публикации №116010709583
Рецензии