Заз акурд туш Хорасандин мич1и йиф,
гьа йиф хьиз я на къуьнелай вегьей киф.
Ипек гузвай туш хьи я зун савдагар,
назик ч1арар вуч ипекдиз я ухшар.
Заз гекъигиз к1ан хьана ви вилерни,
п1узарар ви,хъукъверни хъвер,гъилерни,
амма са зат1 жагъанач заз тешпигьдай,
усал я хьи гьар са зат1 вав гекъигдай.
Хорасандин мич1ивал гвай йиферни,
ипек лугьуз тарифзавай пекерни-
къундарма я теснифзавай шаирри,
вун такуна,буш рахазвай факъирри.
1970-йис
Заз акурд туш Хорасандин мич1и йиф
© Copyright: Нажмудин Шихнабиев 2, 2016
Свидетельство о публикации №116010708769
Свидетельство о публикации №116010708769
Рецензии
