Гьикьван ч1угван за ви дидар,
заз йисарай хьана йикъар.
Вун такваз,рик1 хьана зи дар,
квез я дуьнья галачиз яр!..
Припев:Квез я дуьнья яр галачир,
квез я уьмуьр бахт авачир!?
Дуьнья шад я гатфар къекъвез,
инсанарни лугьуьз-хъуьрез.
Анжах вун зи патав текъвез,
сефил хьанва зун рик1 ишез. Припев виликанди:
И тек пуд гаф "К1анда вун заз!"
лагьайди я анжах са ваз.
Ихтияр я ваз зи рик1 хаз,
я муьгьуьббат багъишиз заз. Припев виликанди:
Зи уьмуьрдин гъед я вун,яр,
зи чубарук,сифте гатфар.
Муьгьуьббатдин гайи хабар,
дуьньядилай багьа я яр. Припев виликанди:
Тек бубу хьиз къацу ник1е,
гьатна,суна,вун зи рик1е.
За чан гуда са ви рекье,
квез я уьмуьр яр галачир. Припев виликанди.
!978-йис.
Квез я дуьнья яр галачир! Мани
© Copyright: Нажмудин Шихнабиев 2, 2016
Свидетельство о публикации №116010706980
Свидетельство о публикации №116010706980
Рецензии